خهلهف حالێ
عشقا م دهاته سترانێ ئهز زوو فێربووم
18/4/2010
خیری شنگالی
خهلهف عهلی صالح ناڤداره ب " خهلهف حالێ " ئێكه ژ هۆنهرمهندین
میللی ئێزدی ل دهڤهرا شنگالێ ل رۆژا 10/10/2006 ل لالشا نورانی چاڤێ
م ب هێژا خهلهف كهت ههڤالێ منێ خوشتڤی و كریڤێ منێ خوینێ... ژ
فهقیرێت تل عزێره و ژ مالا ئوسۆیه. م ب دهرفهت زانی خوه بده ناسین.
گۆت: ئهز خهلهفێ عهلیێ سالحم، سالحێ كوڕێ جندی ژ عهشیرهتا
ئوسۆیێ فهقیرانی ئێزدی، ل سالا1964هاتیمه دنیایێ. ل سالا 1978. م
دهست ب سترانێ كر و ل سالا 1980 سترانێت م هاتنه تۆماركرن و بهلاڤبوون ژ
ئالیێ تۆمارگهها شنگالێڤه خووهدانێ وێ ئهیمهن عبدولكهریم.
* ت ژكێ فێر بوویه سترانا؟
- وهكه م بههتكری ل سالا 1978 ێ بۆ جارا ئێكێ ئهز چوومه مالا
ڕهحمهتیێ خهلهفێ خرمشێ زهندین، م گوهێ خووهدا سترانێت وی و ئهز
ژی فێربووم، پشتی وی م خووه نێزیكی ڕهحمهتیێ شێخ موس كر و م
گهلهك ژ ویژی هلگرتن.
* چ سترانێ تاسیر ل دروون و فیكرێ ته كریه؟
- سترانا دهروێشێ عهڤدی و عهدله پاشێ ئهگهرا جانێ منهو چویته ناڤ خوین و هناڤێت م.
* چما
- دلكهتنا عهدلانێ و ویێ مێرخاسێ ئێزدی و قوربانیدانا جانێ خووه ل بهر عهشیرهتا عهدلانێده
تایبهتمهندیهكه خووه ههیه... بهلێ مخابن نهگههشتنه مرادێ خووه.
* ت چهند سترانا زانی؟
- ئهز نێزیكی دووسهد سترانی زانم وپێنجی دوركی دروونێ ودسهد دوركی دیلانێ.
* باشه ت چلۆ حهلمیه تهمبورێ؟
- عشقا م ل سهر ههبوو، ئهز زوو فێر بووم.
* ت بیتر گرنگیێ د دیه چ جۆره سترانهكێ؟
- سترانێت غهریبیێ د باب وباپیران.
* بانگهوازا ته ژ سترانبێژێت نوڕه چییه؟.
- ئهز دبێژم " ستران " بهشهكی گرنگه ژ كهلتورێ ئێزدیا وهكه چاڤێ
خوه بپارێزن و پهیڤێت بێگانه نهكنه نێڤده و هیڤیا م ئهوهی نهڤێت
مه ژ مه باشترین ژ بۆ پاراستن و گهشهكرنا كهلتورێ رهسهنێ كوردی.
* چاوا شنگال بوویه لاندكا سترانا وسترانبێژا.
- ژ كهڤنده شنگال بناغی سترانا كوردیبووه، بهلێ پشتی دههان فهرمان
ب سهر سهرێ ئێزدیان رابووین ب هۆیی (سهفه ر بهلهكا) ئێزدی ڕهڤین
ژ كوردستانا باكور گهلهكا ژی خووه ل چیایێ شنگالێ گرتن وهك بروێ
كهچلێ شهرقی و چهندین سترانبێژی دی بهرێ خووه دانه چیایێ شنگال و
بوونه خوهندنگهها كهلتورێ ئێزدیان.
* ههڤالێت ته د سترانبێژ كینه؟
- ههڤالێت م نوهه شێخ چێلی بابێ ئهلیاس و جهلۆ بابێ فهرحان و
میرزای دهروێش و برجونێ قاسمێ مهتۆ و خدرفهقیرن و ههڤالتیا من ب
ڕهحمهتیێ شێخ موس و قهپالڕه ههبوو. سوپاس ژبۆ هۆنهرمهند خهلهف
حالێ.